CXLV

1330, Juli 22. Schweidnitz.

Bolko (II.), Herzog von Schlesien und Herr von Fürstenberg und Schweidnitz, bestätigt den Verkauf eines Allod's in Gohlitsch an das Kloster durch Ulmann von Rosswein

In nomine domini amen. Decet acta legittime scriptis roborari autenticis, ne tractu temporis in oblivionis precipicium deferantur. Ideo nos Bolko dei gracia dux Slesie, dominus de Furstenberg et Sweydnicz, presentibus recognoscimus et fatemur, quod honorabilis vir Ulmannus de Ruswyn in nostra presencia constitutus recognovit, se allodium in Golschicz situm prope Smelwicz in districtu Sweydniczensi, domino abbati in Camenz et monasterio ibidem rite ac rationabiliter vendidisse, fratris sui domini Nicolai plebani de Lipa favore et consensu ad hoc accedente, quam vendicionem et emptionem utraque pars a nostra petiit benivolencia, confirmari. Nos vero precibus ambarum parcium favorabiliter inclinati, post resignacionem voluntariam predicti allodii per ipsum Ulmannum et fratrem suum, dominum Nicolaum, coram nobis factam, sepefatum allodium in Golschicz cum omni fructu et utilitate, gadibus, circumferenciis et greniciis eo iure et iusticia, dominio et libertate, ut idem Ulmannus et frater suus ipsnm habuerunt, domino abbati in Camencz et monasterio ibidem contulimus perpetuis temporibus possidendum. Ne autem alicui in posterum dubium de hoc valeat suboriri, presentem litteram scribi fecimus nostro sigilio diligencius communitam. Actum et datum Sweydnicz in die sancte Marie Magdalene anno domini M. CCC. XXX., presentibus: domino Heinrico de Buchwalt et filio suo Heinrico, Conrado de Byschaw et filio suo Bartholomeo, Franczkone de Thanneberg, Gelfrido de Stercza et domino Jacobo plebano in Fryburg procuratore curie nostre.

Nach einer aus dem ehemaligen Klosterarchive stammenden Abschrift aus dem 15. Jahrhundert, im Staatsarchive.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.